អ្នកមានប្រពន្ធប្ដី សម័យហ្វេសប៊ុក ឆាតលេងអផ្សុក ជាមួយគេផ្សេង
ឆាតយូរៗទៅ កើតចិត្តវង្វេង
ក្បត់ប្ដីប្រពន្ធឯង រត់រកអ្នកថ្មី។
គ្រួសារបានសុខ ត្រូវស្មោះភក្ដី
បើមានពីរបី បែកបាក់គ្រួសារ។
បើបែកគ្នាហើយ កូនរស់ឯកា
ព្រោះតែម៉ាក់ប៉ា មិនស្មោះត្រង់គ្នា។
សម័យទំនើប ប្រយ័ត្នគ្រាំគ្រា
ស្នេហ៍វេទនា ព្រោះតែហ្វេសប៊ុក។
មិត្តស្អាតសង្ហា ឆាតបំបាត់ទុក្ខ
គិតថាអផ្សុក បែរកើតលង់ចិត្ត។
បងអូនៗបង យូរទៅភ្លេចគិត
បែកមានគំនិត ក្បត់ប្ដីប្រពន្ធ។
បើមានគូហើយ កុំចិត្តលោភលន់
ស្មោះប្ដីប្រពន្ធ ទើបមានមង្គល។
(និពន្ធដោយបុព្វបុរសខ្មែរ)