នេះជាអត្ថបទសង្ខេបនៃការប្រើប្រាស់ បញ្ញាសប្បនិម្មិត (AI)
បញ្ញាសប្បនិម្មិត ឬហៅកាត់ថា (AI) ដែលមានពាក្យពេញជាភាសាអង់គ្លេសថា Artificial Intelligence កំពុងផ្លាស់ប្តូររបៀបដែលយើងរស់នៅ និងការធ្វើកិច្ចការងារបានយ៉ាងឆាប់រហ័ស។
គុណសម្បត្តិ និងគុណវិបត្តិ នៃការប្រើប្រាស់ AI៖
គុណសម្បត្តិនៃការប្រើប្រាស់ AI
1. បង្កើនប្រសិទ្ធភាពការងារ៖ AI អាចដំណើរការទិន្នន័យដ៏ច្រើនសន្ធឹកសន្ធាប់ក្នុងរយៈពេលដ៏ខ្លី ដែលមនុស្សមិនអាចធ្វើបាន។ វាជួយសម្រេចកិច្ចការដែលស្មុគស្មាញបានយ៉ាងលឿន។
2. កាត់បន្ថយកំហុសអចេតនា៖ ប្រសិនបើអ្នកប្រើប្រាស់បានកំណត់កម្មវិធីបានត្រឹមត្រូវ AI នឹងជួយធ្វើឱ្យលទ្ធផលការងារមានប្រសិទ្ធភាពខ្ពស់។
3. បម្រើសេវាកម្ម ២៤ ម៉ោង៖ AI ខុសពីមនុស្សយើង AI មិនត្រូវការសម្រាក ឬគេងឡើយ។ វាអាចឆ្លើយតបអតិថិជន (Chatbots) ឬតាមដានប្រព័ន្ធសុវត្ថិភាពបានគ្រប់ពេលវេលា។
4. ការសម្រេចចិត្តដោយផ្អែកលើទិន្នន័យ៖ AI ជួយវិភាគទិន្នន័យ (Data analysis) និងអាចធ្វើការទស្សន៍ទាយ (Prediction) លទ្ធផលនាពេលអនាគត់ ដែលជួយដល់ម្ចាស់អាជីវកម្មក្នុងការសម្រេចចិត្តបានត្រឹមត្រូវ។
គុណវិបត្តិនៃការប្រើប្រាស់ AI
1. ការបាត់បង់ការងារ៖ ការប្រើប្រាស់ស្វ័យប្រវត្តិកម្មអាចជំនួសកន្លែងធ្វើការរបស់មនុស្សក្នុងផ្នែកមួយចំនួន។
2. ក្រមសីលធម៌៖ AI មិនមានអារម្មណ៍ ឬសមត្ថភាពយល់ដឹងពីបរិបទសង្គម និងក្រមសីលធម៌ដូចមនុស្សឡើយ។
3. ភាពលំអៀងនៃទិន្នន័យ៖ ប្រសិនបើទិន្នន័យដែលយកមកបង្រៀន AI មានភាពលំអៀង លទ្ធផលដែលចេញមក ហើយក៏មានភាពលំអៀង និងអយុត្តិធម៌ផងដែរ។
4. ការធ្លាក់ចុះនៃសមត្ថភាពមនុស្ស៖ ការពឹងផ្អែកខ្លាំងពេកលើ AI អាចធ្វើឱ្យមនុស្សបាត់បង់សមត្ថភាពក្នុងការគិតបែបវិភាគ និងការដោះស្រាយបញ្ហាដោយខ្លួនឯង។
សរុបជារួម AI គឺជាឧបករណ៍ដ៏មានឥទ្ធិពលមួយ។ វាមិនមែនជាអ្នកមកដណ្តើមការងារមនុស្សទាំងស្រុងនោះទេ ប៉ុន្តែវាជាអ្នកមកជួយសម្រាលបន្ទុកការងារ។ គន្លឹះសំខាន់គឺការប្រើប្រាស់វាដោយការទទួលខុសត្រូវ និងការរៀនរស់នៅជាមួយវា។
————————
article by koh
————————
ចែករំលែកព័ត៌មាន និងចំណេះដឹងនៅទីនេះ៖ https://bnctrust.blogspot.com/
————————
Telegram: https://t.me/bnccambo